गायक दीप श्रेष्ठया सलय् ‘एक्लो भएछु’ म्येया म्युजिक भिडियो सार्वजनिक जूगु दु। सार्वजनिक जूगु उगु म्ये डा. बिनुबाबा अर्यालं च्वयादीगु खःसा योगेन्द्र उपाध्यायं लय् तयादीगु खः।

उगु म्युजिक भिडियोय् नायक शिव श्रेष्ठ, अनु शाह व मचा कलाकार देवासिस निरौलापिन्स अभिनय यानादीगुलि सुरज तामाङं निर्देशन यानादीगु खः। गायक श्रेष्ठं म्येया शब्द व संगीतं थःत मनय् थिइगुलि थःम्हेसिया म्ये हालेत तयार जूयागु धका धयादीगु खः।

थःम्हेसिया हालागु थुगु म्ये मेगु स्वया बिस्क व विशेष जूगु दु धका वयकलं धयादीगु दु। नायक शिव श्रेष्ठं न्हापा दीप श्रेष्ठया म्ये जुगुलि थः अभिनय यायेत तयार जुयागु म्ये न्यने धुका अझ मन थिउगु दु धका धयादीगु खः। अभिनय यायेगु झ्वलय् गुलि थासय् थः भावुक जुयागु धका धयादीगु खः।

Categorized in मनोरन्जन