नेपाल आयल निगमं पेट्रोलियम पदार्थया भाः क्वकाःगु दु। निगमया संचालक समितिं थौ चान्ह्यः १२ वजेनिसे लागू जुइगु कथं पेट्रोल, डिजेल व मचिकंया भाः क्वकायेगु निर्णय याःगु दु।

निगमया कथं पेट्रोल लिटरय् छतका व डिजेल व मचिकं लिटरय् नितका क्वकाःगु दु। न्हूगु भाः कथं येँ, पोखरा व दिपालय्, पेट्रोल लिटरं १७० तका दां तुइगु जूगु दु।

डिजेल व मचिकंया मू लिटर न्हापांगु श्रेणीइ १५५ रुपैयाँ ५० पैसा, निगूगु श्रेणीइ १५७ व स्वंगूगु श्रेणीइ लिटरं १५८ तका तुइगु जूगु दु।

Categorized in राष्ट्रिय