बुगंद्यःया रथजात्रा लिपागु दिं थौ भोटो क्यने ज्या जूगु दु। सहकालया द्यः कथ कयातम्ह बुगंद्यःया रथजात्रा लिपागु दिं क्यने ज्या याइगु चलन दु।

राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री केपी शर्मा ओलीलगायत वशिष्ठ मनूपिनिगु उपस्थितिइ भोटो क्यनिइग्ु ज्या गुठी संस्थानपाखे क्यनिइगु याइ।

किवदन्तीया कथं बुगंद्यःया रथयात्रा सुरु जुइ धुका नागराज कर्कोटया लानीया मिखा स्याइ। वयागु मिखा छम्ह सामान्य किसानं लंका बिइ धुका नागराज लय्ताया बहुमूल्य मणि दुगु भोटो किसानयात लःल्हाइ।

छन्हु बुँइ ज्या यानाच्वंगु इलय् उगु भोटो तनिइ। उगु भोटो मालेगु झ्वलय् बुगंद्यःया रथयात्राय् उम्ह किसान खनिइ अथेहे उगु भोटो मेम्ह मनूख न दाबी याइ। वया लिपा विवाद जुइ। वहे भोटायात विवाद समाधान यायेगु निति सार्वजनिक कथं प्रमाण ज्वना भोटो दाबी पेश यायेगु लागि भोटो क्यनिइगु चलन न्ह्याउगु धका धयातःगु दु।

वास्तविक हकदारं दाबी याः मवतले उगु भोटो बुगंद्यःया हे जुइ धायेगु याना तःगु दु।

Categorized in राष्ट्रिय