जुल काभा मिसा भलिबल लिगय् नेपालं न्हापांगु पराजय जूगु दु। त्रिपुरेश्वरय् च्वंगु राष्ट्रिय खेलकुद परिषद् (राखेप) कभर्ड हलय् म्हिगः जूगु कासाय् नेपाः इरानलिसे ३–२ गोलं बूगु खः।

न्हापांगु सेटय् नेपाः १६–२५ या अन्तरं बूगु खःसा निगूगु सेटय् नेपालं २५–१६ या ल्याखं त्याकाः कासा १–१ या बराबरीइ याःगु खः । स्वंगूगु सेटय् इरानं २५–२३ या अन्तरं त्याकूगु खःसा प्यंगूगु सेटय् नेपालं २५–१५ या अन्तरं त्याकूगु खः।

न्यागूगु सेटय् इरानं हाकनं १५–१३ या अन्तरं नेपाःयात बुकूगु खः। इरानं प्यंगु कासाय् ७ ल्याः हःगु खःसा नेपालं स्वंगू कासाय् ६ ल्याः हःगु खः। भारतया ७, श्रीलंकाया ४ व माल्दिभ्सया छुं नं अंक दु।

म्हिगः जूगु न्हापांगु कासाय् माल्दिभ्स श्रीलंकालिसे बूगु खः, अले सेमिफाइनलय् थ्यनीगु प्यंगू टिम क्वःछी धुंकूगु दु। नेपाः, भारत, इरान व श्रीलंका सेमिफाइनलय् थ्यंगु दु। लिग चरणया लिपांगु निगू कासा थौं जुइत्यंगु दु।

थौं श्रीलंका व भारत व नेपाः व माल्दिभ्स दथुइ प्रतिस्पर्धा जुइ।

Categorized in कासा