काभा मिसा भलिबल लिगया उपाधि याउगु निति थौ नेपाः व भारत म्हितिइगु जूगु दु। त्रिपुरेश्वरय् राष्ट्रिय खेलकुद परिषद् (राखेप) या कभर्डहलय् सनिलय् ५ ताः इलय् जुइगु दु।

म्हिगः जूगु कासाय् इरानयात बूका नेपाःया फाइनलय् थ्यःगु खः। थौ जुइगु फाइनल कासाय् भारतयात बूके फत धाःसा नेपाःया मिसा भलिबल कासाय् छगु इतिहास जुइगु दु।

थ्व स्वया न्ह्यः सन् २०१९ य् दक्षिण एसियाली खेलकुद सागय् नेपाः उपाधि न्ह्यने थ्यःगु खःसा लिपागु सेटय् भारतनाप पराजित जूगु खः।अथेहे लियाल्युया निति थौ हे न्हिनय् २ ताः इलय् इरान व श्रीलङका दथुइ कासा जुइगु दु।

Categorized in कासा