श्रीलंकां २७ दँ लिपा भारतयात स्वंगु एकदिवसीय सिरिजया कासा त्याकूगु दु। घरेलु टिम श्रीलंकां भारतलिसे जूगु एकदिवसीय सिरिज २–० न त्याकूगु खः।

सिरिजया स्वंगूगु व लिपांगु कासाय् घरेलु टिम श्रीलंकां ११० रनं त्याकूगु खः। म्हिगः श्रीलंकां ब्यूगु २४९ रनया लक्ष्य भारत २६ ओभरय् १३८ रन जक दयेकेफुगु खः। श्रीलंकां टस त्याकाः न्हापां ब्याटिङ याःगु खः।

थ्वसिबें न्ह्यः निगूगु कासाय् श्रीलंकां ३२ रनया अन्तरं त्याकूगु खःसा सिरिजया न्हापांगु कासा बराबरीइ क्वचाःगु खः।लिपांगुखुसि श्रीलंकां भारतलिसे एकदिवसीय सिरिज सन् १९९७ य् त्याकूगु खः।

Categorized in कासा