साउथ सुपरस्टार विक्रमं म्हितूगु तमिल–एक्सन–एडभेन्चर संकिपा ‘थंगलन : द सन अफ गोल्ड’ नं नेपाःया स्वकुमिपिन्सं स्वये दइगु जुगु दु।

बैंकटेस इन्टरटेनमेन्टं थ्व संकिपा नेपालय् वइगु जुलाई ३१ तारिखय् रिलिज यायेत्यंगु खः। थ्व संकिपा न्हापाया ब्लकबस्टर साउथ फिल्म ‘केजीएफ’या सत्य बाखंया लिधंसाय् दयेकूगु धाःगु दुसा स्वकुमिपिन्सं स्वयेत लँ स्वयाच्वंगु दु। पा रञ्जितया निर्देशनय् दयेकूगु थुगु संकिपाय् विक्रमलिसें मालविका मोहनन, पार्वती थिरुवुथु, डैनियल कल्टागिरोन लगायतया मू भूमिका दु।

थुकी भारतय् अंग्रेज उपनिवेशया इलय् छम्ह उग्र आदिवासी नेता थंगलनया बाखं न्ह्यथनातःगु दु। थ्व संकिपा भारतीय स्वतन्त्रता संग्रामया लसताय् १५ अगस्तय् हलियक क्यनेत्यंगु दु। विक्रमं थंगलन व मालविकां मोहननया भूमिका म्हितूगु दु।

Categorized in मनोरन्जन