नेपालभाषा परिषदया छेँय् स्थापना जूगु चित्तधर हृदय स्मृति संग्रहालय भारतीय विदेश सचिव विक्रम मिश्री व नेपाःया शहरी विकास मन्त्रालयया सचिव मणिराम गेलालं उलेज्या यानादिगु दु।

उलेज्या याये धुंकाः विदेश सचिव मिश्रीं म्युजियम निरीक्षण नं यानादीगु खः। ४ करोड ७९ लाख दांया लागतय् दयेकूगु उगु छेँ पुनर्निर्माणया लागिं भारत सरकारं ग्वाहालि याःगु खः।

परिषदया छेँय् वय्कःपिंत नेपाल– भाषा परिषदया नायः प्रा. सुवर्ण शाक्य, पुलांम्ह नायः फणीन्द्ररत्न वज्राचार्य लिसें पदाधिकारीपिंसं लसकुस यानादीगु खः।

Categorized in राष्ट्रिय