नेकपा एमाले सिन्धुलीं पार्टी केन्द्रं छ्वयाहम्ह जिल्ला इन्चार्ज मनोज जंग थापायात लसकुस व निवर्तमान जिल्ला इन्चार्ज खेम लोहनीयात विदाई ज्याझ्वः याःगु दु।

उगु ज्याझ्वलय् मूपाहाँ कथं न्ववानादीसे इन्चार्ज थापां पार्टीया झीक्वःगु महाधिवेशनं पारित याःगु नीतियात कार्यान्वयन याना यकेगुलि प्रतिबद्धता प्वकादील। वयकलं पार्टीयात याकचा मखु सामूहिकतां सञ्चालन जुयाच्वंगु दु धका धयादीगु खः।

उगु ज्याझ्वलय् लोहनीं जिल्लाय् पार्टीइ यागु योगदानयात लुमका हनापौ लःल्हागु खः। अथेहे जिल्ला अध्यक्ष महेन्द्र देव श्रेष्ठया अध्यक्षताय् जूगु उगु ज्याझ्वलय् जिल्ला उपाध्यक्ष कर्ण घिसिङं लसकुस न्वचु तयादीगु खः।

Categorized in राजनीति