मधेश प्रदेशया मुख्यमन्त्री सतिश कुमार सिंहं थौ च्याम्ह राज्यमन्त्रीयात चिइकूगु दु। जम्बो मन्त्रिपरिषद् दयकल धका आलोचना जुयाच्वंगुलि मुख्यमन्त्री सिंहं च्याम्ह राज्यमन्त्रीयात चिइकूगु दु।

आः प्रदेशय् मुख्यमन्त्री नापं झीनिम्ह मन्त्री जुगु दु। साउन २० गते एमालेया मोहम्मद जैद आलम, लोसपाया रामवावु यादव, जनमतया शम्भु कुमार साह, कांग्रेसया रेखा ठाकुर व निलम कुमारीयात राज्यमन्त्रीइ नियुक्त याःगु खः।

थ्व स्वया न्ह्यः एमालेया केशव राय, शारदादेवी थापा व जनमतका रन्जु खंगयात राज्यमन्त्री नियुक्त याःगु खः। उमित न चिइकूगु दु। पार्टीनाप सहलह मयासे राज्यमन्त्री थपे याःगु धासे मुख्यमन्त्री सिंहयात जनमत पार्टी न स्पष्टीकरण न्यःगु खः।

जम्बो मन्त्रिपरिषद् दयकूगु धासे जसपाया युवा–विद्यार्थीतय्स आन्दोलन याना वयाच्वंगु खः।

Categorized in राजनीति