नेपाल आयल निगमं पेट्रोल, डिजेल व मचिकंया भाः क्वकाःगु दु। थौ बिहवाः बहनी च्वंगु आयल निगमया संचालक समितिया बैठकं पेट्रोलया भाः लिटरं न्यातका, डिजेल व मचिकं लिटरं स्वतका क्वकाःगु दु।

न्हुगु भाः थौ बिहीवाः चान्ह्यः १२ बजे निसें लागू जुइ। अथेहे चराली, विराटनगर, जनकपुर, अमलेखगंज, भलबारी, नेपालगंज, धनगढी व वीरगंज क्षेत्रय् पेट्रोल लिटर १६२, डिजेल व मचिकं १५२ कायम जुइ।

सुर्खेत व दाङय् पेट्रोल १६४, डिजेल व मचिकं १५४ तका क्वःछ्यूगु दु। स्वनिगः, पोखरा व दीपायलय् पेट्रोल लिटर १६५ व डिजेल व मचिकं लिटरं १५५ क्वःछ्यूगु दु धका निगमं जानकारी ब्यूगु दु।

Categorized in राष्ट्रिय