ख्वपय् च्यान्हु चाः नाप गुन्हु तक हनिइगु साया जात्रा थौनिसे न्ह्यागु दु। सोमवाः बहनि निसे तौमढीस्थित भैरव द्यःया थाय् गुठी कार्यालयय् घिन्ताङघिसी प्याखँ पिकागु खः।

सोमवाः तलेजुइ पूजायाना बहनि तलेजुपाखे सा पिकया जात्रा न्ह्याकूगु धका तलेजुया मूल नाइके नरेन्द्रप्रसाद जोशीं जानकारी बिउगु दु। ‘घिनिताङ घिनिता घिन्ताङघिसी त्वाङ्ग’ धका सांस्कृतिक म्ये हाला ख्वपय् तःजिगु प्याखं कथ कयातःगु जात्रा खः।

जात्राया आकर्षण कथं घिन्ताङघिसी प्याखँ नाप हनुमान प्याखँ, जङ्गल प्याखँ व माक प्याखँ त्वाः त्वालय् पिकायेगु याइ। थीथी थासं पिकागु जात्रा लाय्कूलि, बालाखु गणेश, चोछेँ, भोलाछेँ, महालक्ष्मी, नागपोखरी, क्वाठण्डौँ, नवदुर्गास्थान, सूर्यमढी, दत्तात्रय, सुकुलढोका, गोलमढी, तौमढी, पोटरीस्क्वायर, वंशगोपाल, इताछेँ, खौमाय् चाय् हिलेगु याइ।

Categorized in राष्ट्रिय