बलिवुडया संकिपा स्त्री–२ न भारतीय बक्स अफिसय् बालाक्क कमे याउगु दु। उगु संकिपा रिलिज न्यान्हु कुन्हु हे ३८ करोड ४० लाख कमे याःगु दु।संकिपा विश्लेषक तरण आदर्शया कथं थुगु संकिपा न आःतक २४२ करोड ४० लाख कमे याये धुकुगु दु।

संकिपा पिहावःगु न्हापागु दिं हे ५५ करोड ४० लाख कमे याःगु खः। अथेहे पेड रिभ्यु व प्रिमियरपाखे ९.४० करोड कमे याःगु खः सा शुक्रवाः ३५.३० करोड, शनिवाः ४५ करोड ७० लाख व आइतवाः ५८ करोड २० लाख कमे याःगु खः।

करिब ५० करोडया लागतय् दयकूगु उगु संकिपा न्हापागु दिं हे थःपिनिगु लगानी म्होय् धुकुगु दु।थ्व स्वया न्हापागु  स्त्रीं न्हापागु वाःय् ६० करोड ३९ लाख कमे याःगु खःसा स्त्री–२ न न्हापागु दिं व स्वया अप्पो कमे याःगु खः।

अमर कौशिकया निर्देशनय् स्त्री–२ य् श्रद्धा कपूर, राजकुमार राव, पंकज त्रिपाठी, अभिषेक बेनर्जीपिनिगु अभिनय दुगु खः।

Categorized in मनोरन्जन