अमेरिकाया पूर्वराष्ट्रपति नाप राष्ट्रपति पदया उम्मेदवार डोनाल्ड ट्रम्पं थः निर्वाचनय् त्यात धाःसा थःगु सरकारय् टेस्ला कम्पनीया मालिक अर्बपति व्यवसायी एलन मस्कयात मन्त्री दयकेगु घोषणा यानादीगु दु।

समाचार एजेन्सी रोयटर्स नाप खँ ल्हायेगु झ्वलय् ट्रम्पं मस्क वौद्धिक मनू खः धका धयादीसे अज्याम्ह मनूयात थःगु मन्त्रिमण्डलय् दुथ्याकेगु घोषणा यानादीगु खः।

मस्कं छु दिं न्ह्यः थःगु सामाजिक सञ्जाल एक्सय् ट्रम्पया अन्तवार्ता काये धुका ट्रम्पया खँ थुकथ पिहावःगु खः। अन्तरवार्ताया झ्वलय् मस्कं अटोमोबाइलया प्रशंसा यानादीसे दक्को विद्युतीय कार न्यायेमाःगु धका धयादीगु खः।

मस्कं धासा थुगु विषय ट्रम्पनाप छु न खँल्हावल्हा मजुगु धका धयादीगु खः। द वासिङ्टन पोष्टया कथं मस्कं थ्व स्वया न्ह्यः सन् २०२० य् चुनावय् राष्ट्रपति जो बाइडेनयात समर्थन याःगु खः।

Categorized in अन्तर्राष्ट्रिय