नगदेशय् थौनिसे मौलिक महाकाली प्याखँ पिहा वइगु जूगु दु।

प्याखँ ताःलागु निति, व्यवस्थित कथं न्ह्याकेत मूल व्यवस्थापन समिति, नँसा व्यवस्थापन समिति, अर्थ संकलन समिति, ख्वापा, तिसाः, वसः समिति, प्रचारप्रसार समिति याना न्यागु समिति दय्काःगु दु धका महाकाली गण नाच २०८१ मूल व्यवस्थापन समितिया नायः कृष्णबहादुर घःजु न धयादीगु दु।

पौराणिक बाखं कथं मनू तयेत भूत, दैत्य, प्रेत पिचास, दैत्य दानवतय्स दुःख बिगुलि थुगु प्याखँ पिहावःगु धका धायेगु याइ। थुगु महाकाली पिहा वये धुका अथे तयेत भूत, दैत्य, प्रेत पिचासपाखे दुःख बिइमखु धका धायेगु याइ।

थीथी १६ म्ह द्यःपिनिगु ख्वापा व लं पुना तान्त्रिक विधि पूरायाना महाकाली प्याखँ कन्ह्यनिसे न्ह्याइगु जुगु दु। मुहाली पुया, नायखिँ, धाँ बाजा, तः, मृदङ, भुस्याय्, छुस्याय् बाजं थाना प्याखँ हुलेगु याइ।

उगु प्याखँनय् महाकाली, महादेवी, महालक्ष्मी, देवी, वेताः प्यम्ह, भूत भैरव निम्ह, कवः निम्ह, ख्याः निम्ह, माकः निम्ह, सिंह छम्ह याना झींखुम्ह द्यःपि प्याखँ हुलेगु याइ।थुगु प्याखँ न्हिं प्यघौ नगदेशया थीथी थासय् प्याखँ हुलेगु याइ।

Categorized in राष्ट्रिय