म्यानचेस्टर सिटीया मिडफिल्डर फिल फोडेनं प्रोफेसनल फुटबलर्स एसोसियसन (पीएफए) थुगु दँया कासामिया अवार्ड त्याकूगु दु। सिटीं वंगु सिजन लगातार प्यक्वःगु पटक प्रिमियर लिगया उपाधि त्याकूगुम्ह कासामि फोडेनं थुगु दँय् न अवार्ड त्याकूगु खः।

‘थुगु अवार्ड त्याउगु छगु विशेष खः। थुगु अवार्ड त्याउगुलि जि तसक गौरवान्वित व सुभाय् दु।’ फोडेनं धाःगु दु। फोडेनं २०२३–२४ या सिजन सिटीया निति ३५ गु कासाय् १९ गोल याःगु खः। फोडेनं वंगु सिजन प्रिमियर लिग प्लेअर अफ दि सिजन अवार्ड त्याकूगु खः।

अथेहे फुटबल राइटर्स एसोसिएसन (एफडब्लुए) फुटबल अफ दि इयर न घोषित जूगु खः। अथेहे चेल्सीया कोल पाल्मरं दँया ल्याय्म्ह कासामिया अवार्ड त्याकूगु खः। पाल्मरं थुगु सिजन २२ गोल याःगु खः।सन् २००९–१० लिपा न्हापागु पटक निगुलि हे अवार्ड इंग्लिस कासामि त्याकूगु खः।

उगु इलय् वायन रुनीं दँया ल्याय्म्ह कासामिया व जेम्स मिल्नरं दँया कासामिया अवार्ड त्याकूगु खः।

Categorized in कासा