झापाय् नं कटुवा पेस्तोललिसें छम्हेसित प्रहरीं ज्वंगु दु।

प्रहरीं साउन ४ गते ८ बजे झापा अर्जुनधारा गाँउपालिका वडा नं ४ दहिझोडा च्वंम्ह ६२ दँया इन्द्रबहादुर आङदेम्बेयात पेस्तोलनाप ज्वंगु खः। जिल्ला प्रहरी ज्याकुथि झापाया सूचना अधिकृत व डिएसपी कृष्णबहादुर चन्दं इलाका प्रहरी ज्याकुथि अनारमणिपाखें छ्वःगु पुचलं आङदेम्बेया छेँ परिसरय् तलाशी काःगु इलय् खाया खोरय् सुचुकातःगु पेस्तोल बरामद याःगु जानकारी ब्यूगु दु।

पेस्तोल लुया वयेधुंकाः आङदेम्बेयात नं नियन्त्रणय् काःगु खः। डिएसपी चन्दं इलाका प्रहरी ज्याकुथि अनारमणिइ तयाः थप अनुसन्धान जुयाच्वंगु जानकारी ब्यूगु दु।

Categorized in अपराध