नेकपा एमालेया बागमती प्रदेश इन्चार्ज राजन भट्टराई न देय् हाकन लिउने छ्वयेगु कुतः यायेवं नेपाली कांग्रेसनाप सत्ता सहकार्य यायेमाःगु खः धका धयादीगु खः।

प्रेस चौतारी नेपाल सिन्धुली न ग्वसाः ग्वःगु पत्रकारपि नाप खँ ल्ह्यायेगु झ्वलय् इन्चार्ज भट्टराई न अथे धयादीगु खः।देय् नैराश्यता वना च्वंगु इलय् प्रचण्ड नेतृत्वया सरकारं मफुगुलि व यकति न्ह्यावःगुलि सरकार हिलेत बाध्य जुइमाःगु धका धयादीगु खः।

वयकलं धयादीगु दु राजनैतिक ह्यूपाः हयेगु निति जुइमा वा जनआन्दोलनय् एमाले व काँग्रेस मिले जूया जक सम्भव दुगु धका धयादीगु खः। वइगु निर्वाचनय् एमाले व नेपाली कांग्रेसया दथुइ चुनावी प्रतिस्पर्धा जुइ धका नेता भट्टराई न धयादीसे जिमिगु कुतः राजनैतिक स्थाइत्व कायम यायेगु पाखे केन्द्रित जुइ धका धयादीगु खः।

सरकार दयके धुका देशय् आर्थिक सूचकत सुधार जुइ धुकुगु दु धका धयादीगु खः। दक्को विदेशी राष्ट्रनाप बालागु सम्बन्ध तयेमाः धका धयादीेसे वयकलं जलखला देय् नाप बालाक्क स्वापू दयेमाःगु विषय दु धका धयादीगु खः। भारतनाप सीमा, सुरक्षा व सन् १९५० य् समान सन्धिया विषय न सरकार जिम्मेवार जुया न्ह्यावनेमाः धका धयादीगु खः।

उगु ज्याझ्वलय् नेकपा एमले सिन्धुलीया इन्चार्ज मनोज जंग थापा, केन्द्रिय सदस्य कमल जंग राई, सुवास देवकोटा, उमा कोइराला, जिल्ला अध्यक्ष महेन्द्र देव श्रेष्ठ, उपाध्यक्ष कर्ण घिसिङ, एमाले बागमती प्रदेश प्रचार विभाग सचिव प्रेम दाहालपिनि न ब्बति दुगु खः।ज्याझ्वः प्रेस चौतारी सिन्धुलीया अध्यक्ष विनय दाहालया सभाध्यक्षताय् जुगु खः।

Categorized in राजनीति