सुन्दर श्रेष्ठं च्वयादीगु “नुगलय् दुने सुचुके धुन“ म्येया म्युजिक भिडियो छगु ज्याझ्वः दथुइ पितब्वज्या जूगु दु।

नेवाः साधना कला केन्द्रपाखें ग्वसाः ग्वगु उगु छगू ज्याझ्वलय् संस्था पाखें दयेकूगु नुगः दुने सुचुके धुनया म्यूजिक भिडियो छगू ज्याझ्वःया दथुइ मूपाहाँ लोकह्वाम्ह निर्देशक पवन जोशीया ल्हातं पितब्वज्या जुगु दु।

गोविन्द ह्यूमत व दिपा महर्जनं हालादीगु उगु म्ये बागमति भाइ सुन्दर श्रेष्ठं च्वयादीगु खःसा गोविन्द ह्यूमतं लय् तयादीगुलि भुपेन्द्र बज्राचार्यं आरेन्ज यानादीगु खः। सुरज नापित व लीला जोशीपिन्सं अभिनय यानादीगुलि समाः मीरा डंगोल अले क्यामरा व सम्पादन सोहन मानन्धरं यानादीगु खः।

नेवाः साधना कला केन्द्रया नायः सुन्दर मान श्रेष्ठया सभाध्यक्षताय् जुगुलि मूपाहां जोशी व पाहांपिं विजय रत्न असंबरे व पौभाः सायमिपि झायादीगु खःसा मिनर्वा श्रेष्ठं लसकुस यानादीगु खः।

Categorized in मनोरन्जन