नेकपा एमालेया महासचिव शंकर पोखरेलं नेपालय् सू कमजोर जुल वं हे निर्णायक जुया राज्य सत्ता सञ्चालनयाना राजनीतिक अस्थिरता जूगु धका धयादीगु खः।

नेकपा एमाले केन्द्रीय प्रचार लिसे प्रकाशन विभागया बैठक सोमवाः पार्टी केन्द्रीय कार्यालयय् सम्बोधन यानादीसे महासचिव पोखरेलं लोकतन्त्रय् जनतां पत्या याउगु दलं शासन यायेमाः धका धयादीगु खः। लोकतन्त्रया मूल मान्यता हे दकलय् अप्पो बल्लागु राजनीतिक दलं शासन यायेमाः धका पोखरेलं प्रष्ट यानादीगु दु। ‘लोकतन्त्रय् न्ह्यावलय् न शासन याइगु धइगु बल्लागु पार्टी हे खः’, धका धयादीगु दु।कानुन सुधारपाखे लोकतन्त्रयात अझ बल्लाके फइगु वयकःया बिचाः दु।

नेपाःया कानुनं हे पार्टीयात बल्लाकेगुलि दिकेत स्वंगु धका पोखरेलं धयादीगु खः। ‘गुलि कानुन सुधार यायेत स्वयेगु इलय् स्थायित्वया आधार बल्लाके फइ’, पोखरेलं धयादीगु खः। पोखरेलं थुगु इलय् दक्षिण एसियाया राजनीति तसक थाकुगु च्वंगु दु धका धयादीसे आः सचेततापूर्वक न्ह्या वनेमाःगुलि बः बियादीगु दु।

दक्षिण एसिया राजनीति द्वन्द्वय् वनाच्वंगु दु धका वयकलं धयादीगु दु। व्यक्तिगत पुँजीवादया टकराब गुलि बःलाह धइगु श्रीलङ्कापाखे सयकेमाः धका धयादीसे वित्तीय पुँजीवाद थः व थः व वित्तीय संस्थाया व्यापारिक टकराबं श्रीलङ्काय् ल्वापू जुगु खः। अथेहे वयकलं आर्थिक विकास वा भौतिक विकासं जक नागरिकतय्त माःगु व भावना सम्बोधन याये फइ मखु धइगु बङ्गलादेशपाखे न सयकेत बः बियादीगु दु।

आर्थिक व भौतिक विकासनाप सामाजिक विकास व मानव विकास न मू खँ खः धइगु ल्वमके मज्यु धका पोखरेलं धयादीगु दु।थुकिइ सञ्चार माध्यमया सकारात्मक भूमिका दु व मदु धइगु खँय् अर्थ तइ धका पोखरेलं धयादीगु खः।

Categorized in राजनीति