राष्ट्रिय सभाया दुजः डा. अन्जान शाक्यं बौद्ध भिक्षु गुणघोष महास्थवीरयात जूगु आक्रमणयात कया थौ राष्ट्रिय सभाय् सः तयादीगु दु।

वयकलं दोषीपिन्त कडा कारवाही यायेत सरकारयात माग यानादीगु दु।

राष्ट्रिय सभाया दुजः डा. शाक्यं बौद्ध भिक्षु गुणघोष महास्थवीरयात सुनियोजित रुपं आक्रमण यानाः लुटपाट याःगु धासें थुगु आक्रमणयात कूकर्मया क्रूर रुप खः धासें आक्रमण याःपिन्त क्रूर अपराधीया संज्ञा बियादीगु दु।

डा. शाक्यं बौद्ध भिक्षु भन्तेपिनिगु सुरक्षाया माग यासें बौद्ध विहारय् नं सरकारपाखें सुरक्षाया व्यवस्था यायेमाःगु माग यासें घाःपाः जुयाः बिज्याःम्ह भन्ते गुणघोष महास्थवीरया स्वास्थ्यलाभया कामना नं यानादीगु दु।

Categorized in राष्ट्रिय