छु दिं कुहावना च्वंगु सेयर बजाः थौ सोमवाः १२७ ल्याखं थहावंगु दु। थौ नेप्से २८२३ ल्याः थ्यःगु दु। अथेहे कारावार रकम न थहावःगु दु।

म्हिगः १० अर्ब ५१ करोडया कारोबार जूगु खःसा थौ १३ अर्ब १० करोडया कारोवार जूगु खः। कारोबार सुरु जुगु २३ मिनेटय् नेप्से २६७९ ल्याखय् कुहावःगु खः।दक्को ख्यःया सूचक थहावःगु दु। दकलय् अप्पो फाइनान्स समूहया सूचक थहावःगु दु।

बैंकिङ ४.७३, विकास बैंक ४.९९, फाइनान्स ७.९४, होटल व पर्यटन ४.९२, हाइड्रोपावर ५.३६, लगानी ५.४५, जीवन बीमा ४.६९, उत्पादन ३.३३, माइक्रोफाइनान्स ३.३३, निर्जीवन बीमा ४.८१, मेमेगु ४.१४ नाप व्यापार समूह २.८५ प्रतिशतं थहावःगु दु।

थौ २३९ गु कम्पनीया भाः थहावःगुलि न्यागु कम्पनीया भाः कुहावःगु दु।अथेहे छगु दर्जन कम्पनीया भाः १० प्रतिशतं थहावःगु दु। नेसनल हाइड्रोपावर, बेस्ट फाइनान्स, समृद्धि फाइनान्स, प्रोग्रेसिभ फाइनान्स, एनएलजी इन्स्योरेन्स, रिलायन्स फाइनान्स, सुपरमाइ हाइड्रोपावर, दोल्ती पावर, मल्टिपर्पस फाइनान्स, कालिन्चोक दर्शन व मोदी इनर्जीया भाः १० प्रतिशत थहावःगु दु।

बुटवल पावरया ९.८, जोशी हाइड्रोया ९.७ प्रतिशत भाः थहावःगु दु। माइखोला हाइड्रोपावरया भाः दकलय् अप्पो ३.५९ प्रतिशतं कुहावःगु दु।कारोबार रकमया आधारय् गुडविल फाइनान्स, अपी पावर, हिमालयन रिइन्स्योरेन्स, अरुणभ्याली हाइड्रोपावर व नेपाल फाइनान्स न्ह्यने दु।

Categorized in राष्ट्रिय