श्रद्धा कपुर व राजकुमार रावं अभिनय याःगु बलिउड हरर–कमेडी फिल्म ‘स्ट्री २’ भारत लगायत हलिन्यंकं बांलाक आम्दानी जुयाच्वंगु दु।

थुगु संकिपां भारतय् ऐतिहासिक नाफा कमे यायेत तालागु दु।बलिउडया संकिपा व्यापार विश्लेषक तरण आदर्शया कथं थ्व संकिपां १८ न्हु तक भारतीय बक्स अफिसय् ५०२.३५ करोड तका शुल्क संकलन याःगु दु।

स्वंगूगु वाःया दुने ‘बाहुबली २’ (हिन्दी संस्करण)या कीर्तिमान तःगु दु।थुगु संकिपां न्हापांगु वालय् ३०७.८० करोड, निगूगु वालय् १४५.८० करोड व स्वंगूगु वालय् ४८.७५ करोड आम्दानी याःगु खः।न्हिइपुगु खँ छु धाःसा शाहरुख खानया ‘जवान’ ५०० करोडया कमे यायेत १८ दिं लगे जुगु खः।

थुकिया बराबर जुइत श्रद्धा कपुरया ‘स्ट्री २’ नं उलि हे दिं काःगु दु। आम्दानीया ल्याखं ‘स्त्री २’ व ‘जवान’ बराबर जूगु दु। ५०० करोडया क्लब, जवन, गदर २, पाठान, बाहुबली २ (हिन्दी) व एनिमल क्लबय् दुहां वनेधुंकूगु दु। आदर्शं धाःगु दु, “स्वंगूगु सप्ताहन्तया आम्दानीया प्रवृत्ति स्वयेबलय् थुकिया गति दिइगु छुं संकेत मदु, आः सकसिगुं ध्यान ६०० करोडया क्लबपाखे वःगु दु।”

‘स्ट्री २’ थुगु आम्दानीया गति कायम यात धाःसा ‘जवन’या दकलय् अप्पो पार यानाः दकलय् अप्वः आम्दानी याःगु संकिपाया कीर्तिमान तयेफइगु विश्लेषण आदर्श दु।

Categorized in मनोरन्जन