मन्त्रिपरिषदं प्रधानमन्त्री केपी शर्मा ओलीया अमेरिका भ्रमण स्वीकृत याःगु दु। मन्त्रिपरिषद् बैठकं राष्ट्रसंघया महासभाय् ब्बति कायेगु निति प्रधानमन्त्रीया न्यूयोर्क भ्रमण स्वीकृत याःगु दु।

उगु भ्रमण टोलीइ परराष्ट्रमन्त्री आरजु देउवा राणा, प्रधानमन्त्रीया प्रमुख सल्लाहकार विष्णु रिमाल, परराष्ट्र सचिव सेवा लम्साल, प्रधानमन्त्री जहान राधिका शाक्य, निजी चिकित्सक न दुथ्याःगु दु।

राष्ट्रसंघया महासभा सेप्टेम्बर १० निसे २८ (२५ भदौनिसे १२ असोज) तक न्यूयोर्कय् जुइत्यःगु खः। समिट अफ द फ्युचर २२–२३ सेप्टेम्बर (६–७ असोज) जुइगु क्वछि धुकुगु दु। प्रधानमन्त्री कार्यालय स्रोतया कथं समिट अफ द फ्युचरय् सम्बोधन यायेगु कथं प्रधानमन्त्री अमेरिकाय् वनेत्यःगु खः।

ओलीें प्रधानमन्त्रीया कथं २०७५ असोजय् न राष्ट्रसंघ महासभाय् सम्बोधन याये धुकुगु दु।लिपागु इलय् असार ३० गते प्रधानमन्त्री जुयादीम्ह ओली विदेश भ्रमणय् वःगु मदुनि।

Categorized in राष्ट्रिय