संयुक्त राष्ट्रसङ्घया ७९ क्वःगु महासभाय् ब्बति कायेगु झ्वलय् अमेरिकाया न्युयोर्कय् प्रधानमन्त्री केपी शर्मा ओली व सामोआया प्रधानमन्त्री फैमे नाओमी माताफा दथुइ थौ नापलायेगु ज्या जूगु दु।

वयकःपि दथुइ राष्ट्रसङ्घया लालि सामाओया स्थायी नियोगय् नापलानादीगु खः।

उगु ज्याझ्वलय् प्रधानमन्त्री ओलीया मुख्य सल्लाहकार विष्णुप्रसाद रिमाल, परराष्ट्र मन्त्रालयया सचिव सेवा लम्साल, राष्ट्रसङ्घया निति नेपाःया स्थायी नियोगया प्रमुख लोकबहादुर थापाया न ब्बति दुगु खः।

Categorized in राष्ट्रिय