नेशनल पिपुल्स पावर (एनपीपी) या सांसद डा. हरिनी अमरासूर्या श्रीलंकाय् न्हूम्ह प्रधानमन्त्रीइ नियुक्त जूगु दु। वय्कलं मंगलवाः राष्ट्रपति अनुराकुमार दिशानायकेलिसे पद व गोपनीयताया सपथ ग्रहण यानादीगु खः।

शनिवाः जूगु राष्ट्रपति निर्वाचनय् बामपन्थी दिशानायके त्याःगु खः। वय्कलं सोमवाः शपथ ग्रहण यायेधुंकाः प्रधानमन्त्री दिनेश गुणवर्दनें राजीनामा बियादीगु खः।२२५ सदस्यीय संसदय् डा. अमारा सूर्यलिसें विजिथा हेराथ व लक्ष्मण निपुन आरागची जक सांसद जूगु खः।

राष्ट्रपति दिशानायकें अमरसूर्ययात प्रधानमन्त्री व हेराथयात मन्त्री नियुक्त याःगु खः। अथेहे श्रीलंकाया संचारमाध्यमं वय्कलं थौं चान्ह्यः संसद विघटन याइगु बुखँ पिहावःगु दु। राष्ट्रपति दिशानायकें रक्षा व अर्थलिसेंया मन्त्रालय थःके हे तयातःगु दु।

प्रधानमन्त्री अमरा सूर्ययात शिक्षा, विज्ञान व प्रविधिया मन्त्रालय ब्यूगु दुसा परराष्ट्र लगायतया मन्त्रालय हेराथयात ब्यूगु दु।

Categorized in अन्तर्राष्ट्रिय