बागमती प्रदेशया झीगु जिल्ला स्वनिगः बाहेक म्हिगः व थौ वा वंगुलि २१ म्ह सीउगु दु। विपदया घटनां २५ म्ह बेपत्ता व ३१ म्ह घाःपाः जूगु दु।

बागमती प्रदेश प्रहरी कार्यालय हेटौंडाया कथं निगुया दुने काभ्रेय् जक झीम्ह सीउगु दु सा झीछम्ह बेपत्ता जूगु दु। अथेहे झीछम्ह घाःपाः जूगु दु।सिन्धुपाल्चोकय् खुसि बा वया खुम्ह सीउगु दु सा प्यम्ह तनाच्वंगु व झींखुम्ह घाःपाः जुगु दु।

दोलखाय् चलखं स्वम्ह सीउगु दु सा छम्ह घाःपाः जूगु दु धका प्रदेश प्रहरी कार्यालयं धाःगु दु। धादिङ व सिन्धुलीइ छम्ह छम्ह सीउगु दु सा छम्ह छम्ह घाःपाः जुगु दु। धादिङय् स्वम्ह तंगु दु।

Categorized in राष्ट्रिय