सरकारं खुसि बा वया व चलः वया यक्कोे धनजनया क्षति जुगुलि स्वन्हु तक राष्ट्रिय शोक घोषणा याःगु दु।

सोमवाः सरकारी निवास बालुवाटारय् च्वंगु बैठकं थौ मंगलवाःनिसे स्वन्हु तक राष्ट्रिय शोक घोषणा यायेगु निर्णय जूगु दु धका सरकारया प्रवक्ता सञ्चार लिसे सूचना प्रविधिमन्त्री पृथ्वी सुब्बा गुरुङं जानकारी बिउगु दु।

राष्ट्रिय शोकया इलय् सरकारी कार्यालयय् बच्छि ध्वाँय् क्वछुकेगु जुइसा सार्वजनिक बिदा धाःसा जुइमखु। प्रधानमन्त्री ओली म्हिगः सोमवाः बहसन जक अमेरिका भ्रमण सिधय्का लिहावःगु खः।

ओली लिहावयेवं च्वंगु मन्त्रिपरिषद बैठकं प्रधानमन्त्री दैवीप्रकोप राहत कोषय् सरकारं १ अर्ब रुपैयाँ बिइगु निर्णय याःगु दु। उगु कोषय् प्रधानमन्त्री व मन्त्रीतय्स लच्छिया तलब बिइगु जुगु दु।

Categorized in राष्ट्रिय