नेपाःया अलराउण्डर दीपेन्द्रसिंह ऐरी अन्तर्राष्ट्रिय क्रिकेट परिषद् (आईसीसी) या टी२० आई अलराउण्डरया वरीयताय् निगु थासय् लागु दु।

नेपाःया क्रिकेट इतिहासय् सु न कासामिया धलखय् निगु थासय् लाम्ह न्हापाम्ह कासामि जूगु दु। आईसीसीं जारी यागु धलखय् दीपेन्द्रं प्यंगू थासय् सुधार यासे निगु थासय् थ्यःगु खः। अलराउण्डरपाखे टी२० आईय् शीर्षस्थानय् इंग्ल्यान्डया लियाम लिभिङस्टोन दु। लिभिङस्टोनया रेटिङ २५३ व दीपेन्द्रया २३० दु। रेटिङ हरेक कासाय् हिलिइगु याइ।

टी२० आई अलराउण्डरय् स्वगूगु थासय् अष्ट्रेलियाया मार्कस स्टोइनिस, प्यगूगु थासय् जिम्बावेया सिकन्दर राजा, न्यागुगु थासय् श्रीलंका वानिन्दु हसरंगा व खुगुगु थासय् अफगानिस्तानया मोहम्मद नाबी लानाच्वंगु दु।भारतया हार्दिक पान्ड्या न्ह्यगू थासय्, पाकिस्तानया इमाद वासिम व दक्षिण अफ्रिकाया एडेन माक्ररम गूगु थासय् दु।

टी–२० अलराउन्डरपाखे कुशल मल्ल खुगु थासय् कुहावया ४० गु थासय् दु। गुल्सन झा न झीछगुुु थासय् न्ह्यने वःगु दु।

गुल्सन, रोहित पौडेल व इंग्ल्यान्सया साम करन समान ६८ रेटिङया नाप ५३ गु थासय् दु।अथेहे अलराउन्डरपाखे कुशल भुर्तेलं खुगु थासय् न्ह्यने वया ६० गु थासय् वःगु दु सा करण केसी ७१ गु थासय् हे लानाच्वंगु दु।

Categorized in कासा