मोहनि न्ह्यःया लिपागु सेयर बजाःया कारोवार थौ छु भचा थहावंगु दु। थौ बुधवाः ४.८५ ल्याखं थहावना बजाः २६६८.१७ बिन्दुइ थ्यःगु दु।

नेप्सेय् थौ ३ अर्ब ७६ करोड १५ लाख १२ हजार ७०६ तका बराबरया कारोबार जूगु दु। बुधवाः २९४ गु धितोपत्रया ४० हजार १३१ कारोबारपाखे ८३ लाख १२ हजार ६८५ कित्ता सेयर कारोवार जूगु दु।

आः सेयर बजाः असोज २९ गते चालिइगु जूगु दु। बुधवाः बैंकिङ, वित्त, होटेल एण्ड टूरिजम, जलविद्युत, उत्पादन व प्रशोधन, लघुवित्त, म्यूचअल फण्ड, निर्जिवन बीमा व मेमेगु समूह थहावंगुलि विकास बैंक, लगानी, जीवन बीमा व व्यापार समूहया भाः कुहावःगु दु।

दकलय् अप्पो उत्पादन नाप प्रशोधन समूहया लगानीकर्ता तय्स १.०५ प्रतिशतं कमे याःगु दु। बुधवाः मध्यसोलु हाइड्रोपावर, अपर स्याङ्गे हाइड्रोपावर व राप्ती हाइड्रो एण्ड जनरल कन्स्ट्रक्सनया भाः सर्किट लेवलय् थहावंगु खः। बुधवाः दलकये अप्पो थ्रिस्टार हाइड्रोया लगानीकर्तात दकलय् घाटा जूगु दु। थुगु कम्पनीया भाः १० प्रतिशतं घटे जूगु खः।

सिटिजन्स सुपर ३० म्यूचुअल फण्ड, सिटिजन्स म्यूचुअल फण्ड १, सानिमा बैंक न यक्को घटे जूगु दु। थौ नेपाल फाइनान्स दकलय् अप्पो कारोबार जूगु दु।

Categorized in राष्ट्रिय