आईसीसी मिसा टी–२० विश्वकप क्रिकेटय् म्हिगः जूगु कासाय् अस्ट्रेलिया व इङ्ल्यान्ड विजयी जूगु दु। समूह ‘ए’ या कासाय् अस्ट्रेलियां भारतयात ९ रनं बूकुगु दु।

अस्ट्रेलियां बिउगु १ सय ५२ रनया भारतं निर्धारित २० ओभरय् ९ विकेटय् १ सय ४२ रन जक दयके फुगु खः। व स्वया न्ह्यः शारजाहय् टस त्यका न्हापां व्याटिङ याःगू अस्ट्रेलियां ८ विकेटय् १ सय ५१ रन दयकूगु खः।

अथेहे म्हिगः जूगु मेगु कासाय् समूह ‘बी’ पाखे इङ्ल्यान्डं स्कटल्यान्डयात १० विकेटं बूकुगु दु। स्कटल्यान्डं बिउगु १ सय १० रनया लक्ष्य इङ्ल्यान्डं १० ओभरय् पूरा यागु खः। मिसा टी–२० विश्वकप क्रिकेटय् थौ न्युजिल्यान्ड व पाकिस्तान दथुइ जइगु दु।

Categorized in कासा