धौलागिरी च्वापुगुँ गयेगु झ्वलय् सीइपिं न्याम्ह रुसी पर्वतारोहीतय् सीम्ह थौ येँ हःगु दु। न्हय्द्वः व सच्छि मिटर च्वय् सिनाच्वंगु अवस्थाय् उमिगु सीना च्वंगु लुगु खः।

रुसी पर्वतारोहीपि सीम्ह हेलिकप्टरं येँ व्छयागु दु धका जिप्रका म्याग्दीया प्रमुख प्रहरी नायव उपरीक्षक भरत श्रेष्ठं कनादिगु दु। सेभेन समित ट्रेकया सञ्चालक मिङमा शेर्पा नं दुथ्यागु टोलीं सीम्ह ल्ह्वना हया एअर अल्टिच्युडया हेलिकप्टरं इटली आधार शिविर तये हःगु व अनं येँया त्रिविवि शिक्षण अस्पताल व्छगु खः।

रुसी पर्वतारोहीत न्हेय्द्वः व खुसः मिटर च्वये वंगु असोज २१ गते सुथ ११ बजेनिसें सम्पर्कविहीन जूगु खः। च्वापुगुँ गपिं १४ म्ह मध्ये निम्ह गयेत ताःलागु खःसा मेपिं न्हेय्म्हं दथुइ हे आरोहण परित्याग याःगु खः।

हलिमयया न्हय्गूगु (८,१६७ मिटर) तजाःगु थ्व च्वापुगुँ धौलागिरि गाउँपालिका–४ य् लाः।

Categorized in राष्ट्रिय