राष्ट्रिय स्वतन्त्र पार्टी (रास्वपा) या सभापति रवि लामिछानेयात ज्वनेगु निति प्रहरीं अदालतय् अनुमति काःगु दु। जिल्ला प्रहरी कार्यालय, कास्कीं सहकारी ठगी प्रकरणय् अनुसन्धानया निति लामिछानेयात हिरासतय् कायेगु अनुमति बिउगु दु धका छम्ह प्रहरी अधिकृतं धाःगु दु।

अदालतं अनुमति बिइ धुका येँ न ज्वना लामिछानेयात कास्की यकेगु प्रहरी तयारी याःगु दु। पोखराया सूर्यदर्शनय् न्ह्यगू सहकारीपाखे ६५ करोड रुपैयाँ गोर्खा मिडिया नेटवर्कय् हयेगुलि अनुसन्धानयायेग लँ चाःगु दु।

सूर्यदर्शन सहकारी ठगी प्रकरणय् कास्की प्रहरीया प्रतिवेदनया आधारय् १६ असोज २०८० हे गितेन्द्रबाबु (जीबी) राई, कुमार रम्तेलनाप १९ म्ह विरुद्ध मुद्दा दर्ता याःगु खः। उकिइ १ अर्ब ११ करोड रुपैयाँ बिगो मागदाबी याःगु खः।

Categorized in राष्ट्रिय