नेपाः घरेलु टोली अमेरिकाविरुद्धया स्वंगू कासाःय् टी–२० श्रृंखलाया उपाधि त्याकेत ताःलागु दु। अमेरिकाया डलासय्ं क्वःचागु कासाय् अमेरिकायात सुपरओभरय् बुकूसे नेपालं छगू कासाः न्ह्य हे उपाधि ल्हातिइ लाःकूगु खः।

थुगु कासालिपा नेपाःलं श्रृंखलाय् २–० या अग्रता दयेकूगु दु । थ्वया न्ह्यः जूगु न्हापांगु कासाय् नेपालं घरेलु टोली अमेरिकायात १७ रनं त्याकूगु खः। नेपालं अमेरिकाया न्ह्यने त्याकेया लागि १७१ रनया आज्जु ब्यूगु खः। उगु लक्ष्य थ्यंकेगु कुतलय् अमेरिकां क्वछिनातगु २० ओभरय् ८ विकेटया क्षतिइ १७० रन दयेके फत।

थ्वया लिपा कासा सुपर लिगय् थ्यंगु खः। सुपर ओभरय् न्हापांगु ब्याटिङ याःगु अमेरिकां निगू विकेटया क्षतिइ २ रन जक दयेके फूगु खः। सोमपाल कामीं उत्कृष्ट बलिङयासें सुपर ओभरय् २ विकेट काल। वयां लिपा कप्तान रोहित कुमार पौडेल व कुशल भुर्तेल ३ रन दयेकूसे सुपर ओभरपाखें नेपाःयात त्याकेत ताःलात। कासाय् टस त्याका न्हाप्पां ब्याटिङ ल्यःगु नेपालं क्वछिनातगु २० ओभरय् ६ विकेटया क्षतिइ १७० रन दयेकूगु खः।

नेपाःया कुशल भुर्तेल अविजित दकलय् अप्पो ९२ रन दयकेफूगु खः।अथेहे अनिलकुमार शाहं २५, गुलशन झानं १७ व कप्तान राृेहितकुमार पौडेलं १८ रनया योगदान ब्यूगु खः। अमेरिकाया जसदीप सिंह व नोस्थुक केििन्जगेपिन्स निगु निगु विकेट काल धाःसा सौरभ नत्राभाल्करं छगू विकेट ल्हातिइ लाकल।

अमेरिकाया लागि आन्द्रे गौसं ६२ रन दयेकल सा साइटेजा मुक्कमल्लं ४७ रनया योगदान यात। नेपाःया लागि करण केसी दकले अप्वः स्वंगु विकेट काःगु खःसा सोमपाल कामीं निगु, सागर ढकाल व दीपेन्द्रसिंह ऐरीं छगु छगु विकेट काःगु खः। नेपालं अमेरिका विरुद्धया स्वंगुगु व लिपांगु कासा मंगलवाः म्हितिगु जूगु दु।

Categorized in कासा