नायब प्रहरी महानिरीक्षक किरण राणा प्रहरी अतिरिक्त महानिरीक्षक (एआइजी) पदय् बढुवाया निंति सिफारिश जूगु दु।

गृह मन्त्रालय बढुवा समितिया थौं च्वंगु बैठकं जनपद प्रहरी समूहपाखे प्वनाच्वंगु अतिरिक्त महानिरीक्षक पदय् राणायात बढुवाया निंति सिफारिश याःगु खः।

राणायात प्रहरी नियमावली, २०७१ या नियम २७ या उपनियम ४ कथं बढुवाया निंति सिफारिश यायेगु ज्या जूगु समितिया सदस्य सचिव नाप प्रहरी महानिरीक्षक बसन्त बहादुर कुँवरं कनादिगु दु।

बढुवा सिफारिश जुयादिइम्ह राणा थौंकन्हे प्रहरीया केन्द्रीय अनुसन्धान व्यूरो लाजिम्पाटय् ज्या याना दिइ।

Categorized in राष्ट्रिय