हेटौँडायात येँ नाप स्वाइगु हेटौँडा–कुलेखानी–फाखेल–सिस्नेरी–येँ सतकय् निखेरं यातायात सञ्चालनय् वःगु दु।

मकवानपुरया इन्द्रसरोवर गाउँपालिका–२ सिमखोलाया सतकय् ह्युमपाइप तया भिंकेगु ज्या धुंका उगु सतकया निखेरं यातायात सञ्चालनय् वःगु मकवानपुर जिल्ला प्रहरी कार्यालयया प्रवक्ता प्रहरी नायब उपरीक्षक श्यामु अर्यालं कनादिगु दु।

वंगु असोज १० निसें १२ गते वगु खुसिबाः व चलखं सतक स्यंगु खः। तत्काल भिंकेगु ज्या न्ह्याका असोज २० गतेनिसें यातायात सञ्चालनय् वःगु खःसां ह्युमपाइप तया कात्तिक २ गतेनिसें तिनि एकतर्फी लँ चाय्केफूगु खः।

Categorized in राष्ट्रिय