विश्व स्वास्थ्य सङ्गठन (डब्लुएचओ) न इजिप्टयात औलोमुक्त घोषणा याःगु दु। थुगु उपलब्धियात डब्ल्यूएचओ न ‘धाथे हे ऐतिहासिक’ व रोग निर्मूल यायेत करिब छगू शताब्दी ताहाकःगु ज्याया लिच्वः खः धका धाःगु दु।

विश्व स्वास्थ्य सङ्गठनया प्रमुख टेड्रोस अधानोम गेब्रेयसस न धाःगु दु, “औलो इजिप्टया सभ्यता थे पुलागु खः, आः थ्व ल्वय् इजिप्टया इतिहास जूगु  दु। इजिप्ट औलोमुक्त जुयाच्वनिइ।” वयकलं धाःगु दु, “इजिप्टयात औलोमुत्तया कथं जूगु थ्व प्रमाणीकरण वास्तवय् ऐतिहासिक खः, व थ्व प्राचीन सङ्कटं थःत मुक्त यायेत इजिप्टया जनता व सरकारया प्रतिबद्धता याःगु दसि खः।”

हलिमयय् ४४ गु देय् व छगू क्षेत्र औलोमुक्त घोषणा जुइ धुकुगु दु। औलोमुक्त घोषणाया निति उगु देशं हाकन सङ्क्रमणया सम्भावना दिकेगु क्षमता न प्रदर्शन यायेमाः। विश्व स्वास्थ्य सङ्गठनया कथं औलोया कारण दँय् दँसं खुगु लख सीना च्वंगु दु, उकि मध्ये ९५ प्रतिशत अफ्रिकाय् खः।

Categorized in अन्तर्राष्ट्रिय