लुम्बिनी प्रदेश सरकारया नवनियुक्त मन्त्रीपाखे प्रदेश प्रमुख कृष्णबहादुर घर्ती न्ह्यने शपथ काःगु दु। बर्दियाया जन्मजय तिमिल्सिनां सामाजिक विकास मन्त्री, पश्चिम नवलपरासीया देवकरण कलवारं वन व वातावरण मन्त्री व बाँकेया आदेश अग्रवालं आन्तरिक मामिला व कानून मन्त्रीया शपथ काःगु खः।

नवनियुक्त मन्त्री तिमिल्सिना व कलवार नेपाली काँग्रेस व अग्रवाल जनता समाजवादी पार्टीपाखें प्रदेश सभा जः जुयादिइपिं खः। मुख्यमन्त्री चेतनारायण आचार्य नेतृत्वया लुम्बिनी प्रदेश सरकारय् मुख्यमन्त्री नापं नेकपा एमालेया न्याम्ह, काँग्रेसया न्याम्ह व जसपाया छम्ह याना मुक्कं मन्त्रीया ल्याः ११ म्ह थ्यंगु दु।

बुधबाः मुख्यमन्त्री आचार्यं मन्त्रिपरिषद् पुनर्गठनया नितिं प्रदेश प्रमुख न्ह्यने सिफारिस न्ह्यब्वगु खः।

Categorized in राजनीति