सत्ता साझेदार न्ह्यगू दलं न्ह्यगू बुँदे मंकाः वक्तव्य जारी
लहनान्युज | कौलागा अप्टमी ११४४, कार्तिक ९ शुक्रवाः
सरकारया सच्छि दिंया प्रगति विवरण सार्वजनिक जुगु निगु लिपा सत्ता साझेदार न्ह्यगू दलं न्ह्यगू बुँदे मंकाः वक्तव्य जारी याःगु दु।
शुक्रवाः प्रधानमन्त्रीया निवास बालुवाटारय् सत्ता साझेदार दलतय्गु बैठक च्वना सरकारयात अझ प्रभावकारी दयका यकेगु प्रतिवद्धतानाप मंकाः वक्तव्य जारी याःगु दु।
‘देशय् आःया संकट व चुनौतीया सामना यासे लोकतान्त्रिक भविष्ययात अझ सुदृढ यायेगु आज्जु नापं गठन जूगु वर्तमान सरकारयात थप प्रभावकारी दयकेत‘, न्ह्यगू बुँदेया भूमिका दु धका धयातःगु दु।
अय्न प्रधानमन्त्री केपी शर्मा ओलीं सरकारया सच्छि दिंया प्रगति विवरणय् दुथ्याकातःगु यक्को विषय मंकाः बक्तव्यय् उल्लेख याःगु दु।
बक्तव्यया न्हापागु बुँदाय् सरकारया सच्छि दिंया ज्याया प्रगति जुगु समर्थन यासे वइगु दिं न समर्थन यायेगु प्रतिबद्धता याःगु दु।
