नेपाल संवत न्हूदँ राष्ट्रिय समारोह समिति ११४५ पाखें नेपाल संवतया आन्दोलन व थुकिया महत्वयात कयाः युवापुस्तापिन्त प्रशिक्षण बिइगु ज्याझ्वः याइगु जूगु दु।

न्हूदँ ११४५ या लसताय् समारोह समितिं कछलाथ्व एकादसी (२०८१ कार्तिक १९ गते) सोमवाः न्हिनसिया निताः इलय् येँया नेपाः ब्यांक्वेटय् थथे प्रशिक्षणया ज्याझ्वः ग्वसाः ग्वःगु दु।

नेपाल संवत आन्दोलनयात कयाः अभिलेखीकरण यानाच्वनादीम्ह व नेपाल संवत सफूया च्वमि नेवाः न्ह्यलुवा मल्ल के सुन्दरं थथे छघौ प्रशिक्षण बिइगु खँ समारोह समितिं जानकारी ब्यूगु दु।

Categorized in राष्ट्रिय