संसदीय सुनुवाइ समितिं बेल्जियमया निंतिं प्रस्तावित राजदूत सेवा लम्सालयागु नां अनुमोदन याःगु दु।

समितिया ज्याथःम्ह जः पशुपति शम्शेर जबराया अध्यक्षताय् थौं च्वंगु बैठकय् लम्सालया नां सर्वसम्मतिं अनुमोदन जूगु समितिया दुजः महेशप्रसाद बर्तौलां कनादिल।

थ्व स्वया न्ह्यः बैठकय् प्रस्तावित राजदूत लम्सालं थःगु अनुभव, योग्यता, अभिरुचि व लिपाया रणनीति दुथ्यागु कार्ययोजना न्ह्यब्वया दिइगु खः।

परराष्ट्र मन्त्रालया सचिवया कथं ज्या याना च्वनादिइम्ह वय्कलं थ्व सिबे न्ह्यः पाकिस्तानया निंतिं नेपाली राजदूतया जिम्मेवारी क्वबियादिइ धुंकूगु दु।

Categorized in राष्ट्रिय