प्रधानमन्त्री केपी शर्मा ओलीं म्हःपूजा नेवाः समुदायया बिस्कं व महत्वं जाःगु संस्कृति खः धयादीगु दु। न्हूदँनापं म्हःपूजाया लसताय् भिन्तुना बिसें वय्कलं नेपाल संवत् व म्हःपूजा निगुलिंया नं थःगु हे विशेषता दु धयादिल।

प्रधानमन्त्री ओलीं नेपाल संवत् नीस्वनादीम्ह राष्ट्रिय विभूति शङ्खधर साख्वाःयात हना नं देछानादिल। प्रधानमन्त्री ओलीं सामाजिक सञ्जाल फेसबुकय् थथे च्वयादिल – “नेपाल संवत्या न्हूदँ, नेपाल संवत् ११४५ या न्हापांगु दिं खः, थ्व संवत् स्वनादीम्ह राष्ट्रिय विभूति शङ्खधर साख्वाःयात हार्दिक सम्मान, नेवाः समुदायतय् म्हःपूजा याइ, थुकिं थःप्रति गौरवबोध अप्वःयेकी, नेपाल संवत् ११४५ या लसताय् देय् दुने व विदेशय् च्वंनाच्वंपिं सकलसित भिन्तुना ।”

Categorized in राष्ट्रिय