सभापति ज्वंगु विरोध प्रदशर्नयापि रास्वपा कार्यकर्तातय्त प्रहरीं पोखराय् अश्रुग्यास प्रहार याःगु दु। रास्वपाया नेता कार्यकर्तातयस रत्नचोक जुया वाइ चोकय् निषेधित क्षेत्र तोडे यायेत स्वयेवं अश्रुग्यास प्रहार याःगु दु।

पूर्वगृहमन्त्री तक जुयादीम्ह सभापति लामिछाने पोखराया सूर्यदर्शन सहकारी ठगी प्रकरणय् ज्वंगु खः। वयात कात्तिक २ गते ज्वंगु खः। सभापति ज्वंगुलि रास्वपा नेता, कार्यकर्तातयेस विरोध प्रदर्शन याना वयाच्वंगु खः।

थौ लामिछानयात म्याद थपे यायेगु निति अदालत उपस्थित यायेत्यःगु इलय् कार्यकर्तातय्स प्रदर्शन याःगु खः।उगु झ्वलय् निषेधित क्षेत्र तोडे यायेत स्वयेवं नियन्त्रण यायेगु कथं प्रहरीं प्यंगू राउन्ड अश्रुग्यास प्रहार याःगु खः।

Categorized in राष्ट्रिय