वल्र्ड अर्बान फोरमया १२ क्वःगू अन्तर्राष्ट्रिय सम्मेलनय् चन्द्रागिरि नगरपालिकां विशेष प्रस्तुति न्ह्यब्वइगु जूगु दु। संयुक्त राष्ट्र मनू बसोबास ज्याझ्वःपाखें थ्वहेकात्तिक १९ निसें २३ गतेतक इजिप्टया कायरोय् जुइगु उगु सम्मेलनय् नगरपालिकां न्हापांगु खुसिइ दयेकूगु ‘स्थानीय स्वेच्छिक मूल्याङ्कन प्रतिवेदन (भिएलआर)’ न्ह्यब्वये त्यंगु खः।

हलिंया सत्या सिबें अप्वः देय्नं ब्वति काइगु थुगु अन्तर्राष्ट्रिय सम्मेलनय् दक्षिण एसियाली देय्या शहरतपाखें चन्द्रागिरि नगरपालिकां ब्वति कायेत्यंगु खः। दिगो विकास लक्ष्यया छुं छुं विषयगत लागायात स्थानीयकरण यायेत चन्द्रागिरि नपां ‘भिएलआर’ प्रतिवेदन दयेकूगु खः।

सम्मेलनय् ब्वति कायेत चन्द्रागिरि नगरपालिकाया प्रमुख घनश्याम गिरी शनिवाः इजिप्टया कायरोय् झायादीगु दु। वय्कलं सम्मेलनय् नगरपालिकाया पाखें भिएलआर प्रतिवेदन न्ह्यब्वइगुया लिसें नगरपालिकां न्ह्याकाच्वंगु ज्याखँया बारे न्वचु बिइगु ज्याझ्वः दु।सन् २०३० तकया दुने दिगो विकासया लक्ष्य पूवंकेगु व थुकियात स्थानीयकरण यायेत नगरपालिकां ‘भिएलआर’ प्रतिवदेन दयेकूगु ख।

प्रमुख गिरीं धयादिल, “दिगो विकासया लक्ष्यतमध्ये शिक्षा, स्वास्थ्य, लैङ्गिक समानता, त्वनेगु लः व सुचुकुचु, सुरक्षित, बांलागु व सकसिया पहँुचयोग्य शहर थेंज्याःगु लक्ष्ययात स्थानीयकरण यायेत नगरपालिकां यानावयाच्वंगु बांलागु कुतःयात प्रतिवेदनय् दुथ्याकातःगु दु। थ्वहे प्रतिवेदनया बारे जिं अन्तर्राट्रिय समुदाययात जानकारी बिइगु जुइ।

थ्व नगरपालिकाया लिसें जिगु नितिं नं ऐतिहासिक ह्वता खः।” वय्कलं नगरपालिकायात थप आवश्यक ग्वाहाली मुंकेत वल्र्ड अर्बान फोरमया १२ क्वःगु अन्तर्राट्रिय सम्मलेन महत्वपूर्ण जुइगु विश्वासनापं प्वंकाःदिगु खः। वल्र्ड अर्बान फोरमया १२ क्वःगु अन्तर्राष्ट्रिय सम्मेलनय् विशेष याना सहरीकरणया निंतिं मू हाथ्या जुयाच्वंगु त्वनेगु ल, सुचुपिचु व सहरी पूर्वाधारया व्यवस्थापनया विषयलय् सहभागी दँेतय् छथुइ सहलह जुइ।

नापं बस्ती विकासया झ्वलय् पित्याःया समस्या, जलवायु ह्युपाया हुनिं पिदंगु लिच्वःया बारेया अनुभव कालबिल जुइ।

Categorized in राष्ट्रिय