उपप्रधानमन्त्री नाप शहरी विकास मन्त्री प्रकाशमान सिंह नेपालं शहरीकरणय् वयाच्वंगु समस्याबारे विश्व समुदायया ध्यानाकर्षण याकूगु दु।

इजिप्टया कायरोय् जूगु वर्ल्ड अर्बान फोरमय् ब्बति कयायेगु निति उखे पाखे वःगु खः। उगु ज्याझ्वलय् कया नेपाः लिहावया त्रिभुवन अन्तर्राष्ट्रिय विमानस्थलय् सञ्चारकर्मीनाप खँ ल्हानादीसे उपप्रधानमन्त्री सिंहं भ्रमण उपलब्धीमूलक जूगु दु धका धाःगु दु।

शहरी विकासया ख्यलय् जुयाच्वंगु ज्या पाखे नेपाःनाप सहकार्य जुयाच्वंगु एजेन्सीं यःकूगु दु धका वयकलं धयादीगु दु।

वइगु दिं शहरीकरणया ज्या प्रविधियुक्त व थप प्रभावकारी जुइ धका उपप्रधानमन्त्री सिंह न धयादीगु खः।

Categorized in राष्ट्रिय