नेकपा (एमाले) या महासचिव शङ्कर पोखरेलं विकासया बाधक राजनीतिकता अस्थिरता खः धका धयादीगु दु।

यलया च्यासलस्थित तुल्सीलाल स्मृति प्रतिष्ठानय् थौ युवा विद्यार्थी विशेष जिल्ला कमिटीया न्याक्वःगु जिल्ला अधिवेशनयात सम्बोधन यानादीेसे वयकलं राजनीतिक स्थिरता जक देय् दयेके फइ धका धयादीगु दु। वयकलं दुरदर्शी नेतृत्व, बलागु राजनीतिक दल व राजनीतिक स्थायित्व जक देय् दयके फइ धका धयादीगु दु।

वयकलं धयादीगु दु, “देय् देयकेगु निति राष्ट्रनाप जनतायात स्वायेमाः। गुवलय् तक झीसं राष्ट्रनाप स्वाये फइ मखु उवलय् तक देय् दयके फइ मखु।” वयकलं विसं २०८४ या निर्वाचनय् सु नाप न गठबन्धन मयासे बहुमत हय्गु धका न दाबी यानादील। महासचिव पोखरेलं ल्याय्म्ह तय्गु भविष्य एमाले नेतृत्वय् सुरक्षित दु धइगु आज्जु कथं युवाया शिखर सम्मेलन ग्वसाः ग्वये त्यनागु दु धका धयादीगु खः।

उगु ज्याझ्वलय् पार्टीया स्थायी कमिटी सदस्य सुजिता शाक्य, पोलिटब्युरो सदस्य खिमलाल भट्टराई, केन्द्रीय सदस्य माधव ढुङ्गेल, किशोरविक्रम मल्लपिनिगु ब्बति दुगु खः। कमिटीया अध्यक्ष रामजी सापकोटां कन्ह्यः बिहीवाः तक उगु अधिवशेन न्ह्याइगुलि न्हुगु नेतृत्वया निति ल्यः ज्या न जुइ धका धयादीगु दु।

Categorized in राजनीति