विसं २०२० य् त्रिशूली खुसी छियेत दयेकूगु ‘ट्रस ब्रिज’ पुलाँ जूगुलिं वहे थासय् च्यागु करौडाि न्हूगु पक्की ताँ दयेकूगु खः।विदुर नगरपालिकाया प्रमुख राजन श्रेष्ठया कथं झ्यातुगु सवारी नापं न्ह्याके मिले जुइगु उगु ताँ दयेके धुंका नुवाकोट व धादिङया मनूतय्त वयेवनेत अपुइ।

झिंछगू मिटर ब्याःया निगू ‘लेन’ दुगु थुगु ताँ दयेकेया निंतिं सरकारं च्यागु करौडया ध्यबा फ्याःगु खः। ‘डिजाइन एण्ड बिल्ड मोडल’ कथं ‘बक्स कडर प्रिस्टस’ प्रविधिं दयेकूगु न्हूगु ताँ स्यःल्लागु, बल्लागु व तोकेयानातःगु सिबें अप्वः भार फयेफइगु ताँया निर्माणकर्ता भौतिक पूर्वाधार व यातायात व्यवस्था मन्त्रालयनं धाःगु दु।

न्हूगु ताँः सवारीया साधनत न्ह्याये नापं धुंकूगु दु। थ्वसिबें न्ह्यःया ट्रस ब्रिज च्यागू मेट्रिक टन भार क्वबिइफूगु छगू जक लेनया जक खः। न्हूगु ताँया भारवहन क्षमता ३५ मेट्रिक टन दु।(रासस)

Categorized in राष्ट्रिय