लक्ष्मीपूजा वंगु कात्तिक १५ गतेनिसे क्यने ज्याजुगु संकिपा ‘पूर्णबहादुरको सारङ्गी’ नेपालय् दकलय् अप्पो कमे याःगु संकिपा जूगु दु।

निर्माता विनोद पौडेलं संकिपा क्यःगु १४ दिं दुने २७ करोड सङ्कलन याये धुकुगु जानकारी ब्यूगु दु। वयकःया कथं मङ्गलवाः तक २५ करोड ३ लाख व बुधवाः २ करोडया बराबर व्यापार जूगु धका धाःगु दु।देयन्यक अझ न संकिपा स्वइपि दुधका धयादीगु दु।

देयन्यक चाःहिलइगु झ्वलय् निर्माता पौडेलनाप अभिनेता विजय बराल, अभिनेत्री अञ्जना बराइलीपि ना चाः संकिपा हलय् वना स्वयाच्वंगु दु।

थुगु संकिपा छन्हु हे ३ करोड ८९ लाखया व्यापार याना छन्हु हे नेपाःया संकिपा न ९८ चलचित्र भवनय् ४ सय ६५ स्वया अप्पो क्यंगु रेकर्ड तःगु दु। थ्व स्वया न्ह्यः ‘कबड्डी ४ः द फाइनल म्याच’ न २३ करोड ५० लाख तक व्यापार याःगु खः।

Categorized in मनोरन्जन