नेपाल टेलिकमं ग्राहक सेवाय् सुधार यायेगु तातुनां रोबोट प्रविधिया छ्यलेज्या न्ह्याकूगु दु। सुन्धाराय् च्वंगु टेलिकमया ज्याकुलय् थौं ‘एआई ज्याक’ नांया रोबोट सेवा न्ह्याकूगु ज्याकुया प्रमुख दिनेशचन्द्र पन्थीें कनादिग दु।

वय्कःया कथं ज्याकुथि न्हियान्हिथं निसःनिसें स्वसःतक सेवाग्राही वयाच्वंगु दु। माक्वः जनशक्ति मदूगुलिं याकनं याकनं सेवा बिइत थाकुया च्वंगु खः। “आः धाःसा रोबोटं अप्वः ज्या अपुक्क हे यानायंकीगु अपेक्षा कयागु दु”, वय्कलं धयादिल, “सामान्य न्यनेकने नं निसें एनटिसी सेवाया खुसःति ग्राहकतय्सं न्ह्यसःया लिसः रोबोटपाखेँ न्यने खनी।

” रोबोट सेवायात अप्वः प्रभावकारी दयेकेत न्हुगु प्रणाली जडान यायेगु योजना दूगु धका प्रमुख पन्थीं धयादिगु दु। रोबोटं सेवाग्राहीया एनटिसीया विषयय् न्यंनातःगु लिसःया न्ह्यसः बिइ।

नापं छुं सेवा कायेमाःसा गुगु शाखाय् वनेगु धयागु नक्शा विवरण नं रोबोटं बिइ। प्रमुख पन्थीें विदेशीतय्त नापं सुविधा बिइगु आज्जुं रोबोटय् अङ्ग्रेजी व नेपाली भाय्या सेवाया व्यवस्था यानातयागु धयादिगु दु।(रासस)

Categorized in राष्ट्रिय