भारतया राजस्थानय् १८ क्वःगु अन्तर्राष्ट्रिय कलापर्वय् नेपाःया चित्रकार अजय देशार सम्मानित जुगु दु।

अन्तरंग कला नाप एजुकेशन वेलफेयर सोसाइटी व राजस्थान ललितकला एकेडेमीपाखे राजस्थानया टोंकय् जुगु उगु ज्याझ्वलय् कलापर्वया चित्रकार देशारयात अन्तराष्ट्रिय कलारत्न सम्मानपाखे सम्मान याःगु खः।

वंगु कार्तिक ३० निसे मंसिर २ गतेतक जुगु उगु ज्याझ्वलय् कलापर्वय् कला कार्यशाला, चित्रकला कासा, चित्रकला प्रदर्शनी, अन्तराष्ट्रिय व राष्ट्रिय चित्रकारपिन्त सम्मान याःगु खः। उगु ज्याझ्वलय् नेपाःपाखे गुम्ह नाप निसः स्वया अप्पो चित्रकार तय्स ब्बति काःगु खः। देशार नापं प्यम्ह अन्र्तराष्ट्रिय व २० म्ह राष्ट्रिय चित्रकार तय्त कलारत्नपाखे सम्मान याःगु खः।

नेपाःपाखे चित्रकारपि योङ पिकासोया निर्देशक अजय देशार, छ्वाली चित्रकार राजेश महर्जन नाप चित्रकारपि बालकिशोर चौधरी, प्रिन्स महर्जन, नरबहादुर वि.क, सुनैना ठाकुर, दोर्जे गुरुङ लामा, निदेश श्रेष्ठ व चित्रबहादुर बुढा मगरं ब्बति काःगु खः।

Categorized in मनोरन्जन